ვის არ განუცდია შიში ახლობლებთან ურთიერთობისას, შიში იმისა, რომ დარჩე მიტოვებული? შიში უცნობი მომავლის, სიკვდილის წინაშე? რიმანი უწოდებს მათ შიშის ოთხ ძირითად ფორმას, რომელთა საფუძველზეც წარმოგვიდგენს ტიპოლოგიას პიროვნების ოთხი სახასიათო ტიპით. განიხილავს თითოეული ხასიათის მიმართებას სიყვარულთან და აგრესიასთან, ცხოვრებისეულ წარსულთან და გვთავაზობს უამრავ ნიშანდობლივ მაგალითს. ცნობილი გერმანელი ფსიქოლოგისა და ფსიქოანალიტიკოსის ფრიც რიმანის (1902-1979) წიგნი – „შიშის ძირითადი ფორმები“ პოპულარული ენით დაწერილი და კლასიკად ქცეული ფსიქოლოგიური ნაშრომია, რომლის საერთო ტირაჟი 850.000 ეგზემპლარზე მეტს ითვლის და მსოფლიოს მრავალ ენაზეა თარგმნილი. წიგნი განკუთვნილია შიშის საკითხით დაინტერესებული როგორც ფართო მკითხველისათვის, ასევე პრაქტიკოსი ფსიქოლოგებისა და ფსიქიატრებისთვის.