რუდოლფ შტაინერის ლექციების კურსი „ისტორიული სიმპტომატოლოგია“, შესულია მისი შრომების სრული კრებულის კატალოგში ნომრით – GA 185, წიგნი ეხება შუა საუკუნეებში მიმდინარე უმნიშვნელოვანეს პროცესებს, როცა კაცობრიობა განსჯითი სამშვინველის კულტურის ეპოქიდან გადადიოდა ცნობიერი სამშვინველის კულტურის ეპოქისკენ. კაცობრიობის დიდი ნაწილისთვის ეს პროცესები დღესაც სასიცოცხლოდ მნიშვნელოვანია.
წიგნი უაღრესად საინტერესო იქნება არა მარტო ანთროპოსოფიით დაინტერესებული მკითხველებისთვის, არამედ მათთვისაც, ვისაც სურს რეალური ისტორიის ნამდვილი გაგება; ე. წ. „კულისებს“ მიღმა მიმდინარე პროცესებისა და ისტორიულ პროცესებში სულიერი ზეგავლენების წვდომა; მასში ასევე განხილულია გარკვეული სულიერი მიმდინარეობები და მათი გავლენა ევროპულ სულიერ ცხოვრებაზე, გოეთეანიზმი და მისი პოლარობა – იეზუიტიზმი, მეფე არტური და მისი მრგვალი მაგიდა, აგრეთვე მთელი რიგი სხვა მნიშვნელოვანი საკითხი.