ქართული ფსიქოლოგიური სკოლის ფუძემდებელმა დიმიტრი უზნაძემ ქცევის ახსნის საკუთარი მოდელი, თეორია შემოგვთავაზა. ის გვეუბნება, როგორ ახორციელებს ადამიანი ქცევას. ამ კითხვაზე პასუხს გვაძლევენ სხვა მეცნიერების წარმომადგენლებიც, მაგალითად, ფიზიოლოგები, მაგრამ უზნაძემ ქცევა ფსიქოლოგიურად ახსნა, და სწორედ ამაშია მისი მემკვიდრეობის უდიდესი მნიშვნელობა. წიგნი განკუთვნილია ფსიქოლოგებისა და ფსიქოლოგიის საკითხებით დაინტერესებულ პირთა ფართო წრისთვის.