უპანიშადები, ძველი ინდური ფილოსოფიურ-რელიგიური ძეგლი, ათასწლეულთა წიაღიდან აღმოცენებული, ჟამმიუკარები საგანძურია საკაცობრიო აზროვნების მატიანეში.

მისი ღვთიური მცნებანი და მოძღვრებანი, მისი მარადკაცობრივი საწესო ქადაგებანი, გაცხადებული უდიადესი პოეტური და მისტიური ძალით, დღესაც იგივენაირი რელიგიური ზეშთაგონებით იპყრობენ ადამიანთა ცნობიერებას, იგივენაირი რწმენით მიაახლებენ ჭეშმარიტ ღვთისმოსაობასა და სულიერ სიბრძნეს, როგორც ოდესღაც, უხსოვარ წარსულში.

უპანიშადები, სამშობლოში ღვთაებრივ გამოცხადებად აღიარებული, მარადიული თანამდევია კაცობრიული ხულიერი ცხოვრებისა.