შინაგანი მოგზაურობა:

წიგნის მიზანია ცნობიერების ამაღლება და ტრანსფორმაცია, რომელიც საშუალებას მისცემს მკითხველს გამოიყენოს საკუთარ თავზე მუშაობის ინსტრუმენტად, რათა უკეთ შეიცნოს საკუთარი თავი და გააცნობიეროს, რომ ყველაფერი ჩვენშია და მხოლოდ ჩვენ შეგვიძლია, ვიყოთ საკუთარი თავის საუკეთესო ვერსია.

წიგნში განხილულია კვანტური/ენერგო-ინფორმაციული ველის შესახებ ინფორმაცია, ენერგიის არსი და მნიშვნელობა, ჩაკრალური სისტემა, ცნობიერის და ქვეცნობიერის არსი, იერარქიის კანონი, ბალანსის კანონი და ცხოვრების ოთხი მთავარი სფერო, დესტრუქციული პროგრამების, აზრების და ემოციების გავლენა ადამიანზე და სხვა. წიგნის ბოლო ნაწილში, აქცენტი გავაკეთეთ ჩვენს მთავარ სათქმელზე, რომელსაც ვუწოდეთ გზა ტრანსფორმაციამდე.

ჩვენი მიზანია, მკითხველს შევახსენოთ, რომ ბედნიერების, წარმატების, სიხარულის, ჰარმონიის სათავე ჩვენი „შინაგანი მე“ და განვლილი ცხოვრებაა. არსად არ უნდა ვეძებდეთ იმას, რაც უკვე ჩვენშია. ადამიანები არ ვცხოვრობთ სხვისი წესებით და სხვისი დაწერილი აზრების გათვალისწინებით, ჩვენ ვივითარებთ შინაგან ხედვას, ვითავისუფლებთ გზას შინაგან სამყარომდე, სადაც ყველაფერია, რაც კი ოდესმე წარსმოსახვაში, ფიქრებსა და ოცნებებში გვქონია.

მედიტაცია:

გარდა აღწერის იმ ტექსტებისა რომელიც რედაქტორებმა დაწერეს ეს წიგნი აერთიანებს შერჩეულ ტექსტებს ოშოს სხვადასხვა დისკურსიიდანრომლებიც 30 წელზე მეტი ხნის განმავლობაში მიეწოდა ცოცხალ აუდიტორიას. ოშოს დისკურსის ყველა სერია წიგნებად გამოიცა და ასევე ხელმისაწვდომია ორიგინალური აუდიო ჩანაწერების სახით. აუდიო ცანაწერები და სრული ტექსტის არქივი შეგიძლიათ მოიძიოთ ონლაინ OSHO ბიბლიოთეკაში.  მისამართზე: www.OSHO.COM

დაფარული საიდუმლოებები:

ათასობით წელი გავიდა და ახლა არანაირი წარმოდგენა არ გვაქვს საკეტებზე ან დამალულ საგანძურზე, მაგრამ მაინც ვაგრძელებთ ამ უცნაური გასაღებების ტარებას, თითქოს რაღაც მუდმივი მოგონების შელოცვის ქვეშ ვართ. მიუხედავად ყველა შეტევისა – გონება ცდილობს მის დამსხვრევას ყველა მხრიდან, და ეგრეთ წოდებული თანამედროვე ინტელექტუალი არ იღებს მას – ადამიანის გული მაინც აფასებს ამ მოგონებას და აგრძელებს მისით მოხიბვლას. ასე რომ, უნდა გვახსოვდეს, რომ თუმცა დღეს არ იცის, სადღაც ადამიანის არაცნობიერში ჟღერს გამოძახილი, რომელიც ეუბნება, რომ ოდესღაც არსებობდა საკეტები, რომლებიც იხსნებოდა…

რატომ არის ეს შენახული არაცნობიერში?

იმიტომ, რომ არცერთი ჩვენგანი არ არის ახალი ამ სამყაროსთვის. ყველა ჩვენგანი ხელახლა იბადება ისევ და ისევ, და არასდროს ყოფილა დრო, როცა არ ვარსებობდით. რაც წარსულში ცნობიერად ვიცოდით, ახლა, დღეს, არაცნობიერი გახდა, ათასობით ფენის ქვეშ ჩვენშია ჩაფლული, როგორც არაცნობიერი.

თუ წარსულში ოდესღაც ვიცოდით რომელიმე ტაძრის მნიშვნელობა და ღრმა საიდუმლოებები და განგვიცდია რომელიმე შინაგანი კარის გახსნა, მაშინ სადღაც არაცნობიერის ღრმა კუნჭულებში ეს მეხსიერება მაინც მიძინებულია. ინტელექტმა შეიძლება სრულად უარყოს მისი არსებობა, მაგრამ ინტელექტი ვერ აღწევს იმ სიღრმეს, სადაც მეხსიერება ინახება.

….. ოშო …..