თამარ რეკკ-კოტრიკაძე (1973) – ქართველი მთარგმნელი, ფილოლოგიურ მეცნიერებათა დოქტორი. ნათარგმნი აქვს ქართველი, გერმანელი, ინგლისელი, ფრანგი და რუსი ავტორების ნაწარმოებები. მისი დამსახურებაა, რომ ქართველმა მკითხველმა პირველად გაიცნო გრიგოლ რობაქიძის რომანის – „მცველნი გრალისა“ სრული ტექსტი. 2020 და 2021 წწ. ლიტერატურული პრემია „საბას“ ფინალისტი ნომინაციაში „საუკეთესო ქართული თარგმანი“. 2010 წელს მიენიჭა „საგურამოს“ პრემია (თარგმანის ნომინაციაში). 2003 წელს – ავსტრიის კულტურის სამინისტროს პრემია ქრისტინე ლავანტის ნაწარმოებების თარგმნისათვის.