ჩვენ წინაშეა ქრისტიანული მწერლობის საუნჯე – პატრისტიკული მემკვიდრეობის რჩეული ძეგლების ქართული თარგმანები. ქართულ ენაზე უხსოვარი დროიდან ითარგმნებოდა ეკლესიის მამათა თხზულებანი, ცალკეული ქრისტიანული ძეგლები, აპოკრიფული ლიტერატურა. მოგვეპოვება წინარეათონურ პერიოდში შესრულებული თარგმანები. დიდია ქართველი თეოლოგების და ფილოსოფოსების, ექვთიმე და გიორგი ათონელების, აგრეთვე ეფრემ მცირეს, დავით ტბელის, არსენ იყალთოელის, იოანე პეტრიწისა და სხვათა ღვაწლი.