ცნობილი ქართველი ფსიქოლოგის, აკადემიკოს ირაკლი იმედაძის ეს წიგნი ეძღვნება ფსიქოლოგიის ფუნდამეტურ საკითხებს, რომელთა გარეშე შეუძლებელია შეიქმნას წარმოდგენა იმაზე, თუ რა არის ფსიქიკური სამყარო, როგორია მისი მიმართება უსულო სინამდვილესთან, რა ძალებისა და ფაქტორების მოქმედების შედეგად ფუნქციონირებს იგი, როგორ, რა გზებით შეიძლება სუბიექტური რეალობის შემეცნება და ა.შ. ეს საკითხები სულ იდგა ფსიქოლოგიური აზრის წინაშე მისი ჩასახვიდან დღემდე.

აქედან გამომდინარე, ავტორი მათ „მუდმივ პრობლემებს“ უწოდებს. მათ შორის სამი განსაკუთრებით გამოსაყოფია, ესენია: ფსიქოფიზიკური პრობლემა (სხეული-სული), ფსიქოგენეტიკური პრობლემა (თანდაყოლილი-შეძენილი) და თავისუფლება-დეტერმინაციის პრობლემა, რომელიც ადამიანური ქცევის რეგულაციის საიდუმლოს ეხება.

წიგნში მოკლედ არის განხილული ამ პრობლემების გარშემო არსებული მოსაზრებები და ემპირულ მონაცემები, მათი დამუშავების თანამედროვე მდგომარეობა და სამომავლო პერსპექტივები. ნაშრომი დააინტერესებს არა მხოლოდ სპეციალისტებს, არამედ მკითხველთა ფართო წრეს.