ტირანია: XX საუკუნის 20 გაკვეთილი

ტიმოთი სნაიდერი (დან. 1969) არის ისტორიკოსი, იეილის უნივერსიტეტის პროფესორი და იკვლევს აღმოსავლეთ ევროპისა და ყოფილი საბჭოთა კავშირის მე-20 საუკუნის ისტორიას.

„ტირანია – მეოცე საუკუნის 20 გაკვეთილი“ 2016 წლის დეკემბერში დაიწერა.  ამ პატარა წიგნში სნაიდერმა გააანალიზა წლების განმავლობაში დაგროვილი ცოდნა მეოცე საუკუნის ისტორიის შესახებ და გაგვაფრთხილა ყველა, არ დაგვევიწყა ისტორიის გაკვეთილები. ოცი გაკვეთილი თუ ქმედება, რომლებსაც ავტორი მკითხველებს ურჩევს უაღრესად მნიშვნელოვანია საქართველოსათვის, სადაც დემოკრატიასა და თავისუფლებას რთული დრო უდგას.

ჩვენს ქვეყანაში დემოკრატიული ტრადიცია მყიფეა, ხოლო ის წლები, რომლებიც საქართველომ ტირანიაში იცხოვრა, სათანადო გააზრების გარეშე ეძლევა დავიწყებას. მიუხედავად იმისა, რომ „ეს აქ უკვე იყო“ სულ რაღაც ოცდაათი წლის წინ, მიამიტურად მიგვაჩნია, რომ „ეს აქ ვერ მოხდება“. ბევრი ჩვენგანი კი, თვლის, რომ საქვეყნო საქმე მისი გასაკეთებელი არ არის.

სნაიდერის წიგნი კიდევ ერთხელ შეგვახსენებს, რატომ არის დემოკრატიისა და თავისუფლების დაცვა თითოეული ჩვენგანის საქმე და რა შეიძლება გავაკეთოთ, რომ ჩვენი ქვეყანა ამ გზას მყარად დაადგეს თავისუფლების გზას.