მკითხველის წინაშეა რუდოლფ შტაინერის „რჩევები ეზოთერული სწავლებისთვის“, რომელიც შესულია პირველი ეზოთერული სკოლიდან შემონახული მასალები.

ამ სკოლას 1904-1914 წწ, წარმართავდა რუდოლფ შტაინერი. მასალები მნიშვნელოვნად ავსებს ანთროპოსოფიულ სულისმეცნიერებაში ჩახედული მკითხველისთვის კარგად ნაცნობ წიგნს „როგორ მიიღწევა ზენა სამყაროთა შემეცნება?“

პირველი მსოფლიო ომის გამო ეზოთერული სკოლის მუშაობა შეწყდა. რუდოლფ შტაინერის ძალისხმევით ამ სკოლის მუშაობა ახალი ფორმით განახლდა ათი წლის შემდეგ 1924 წ.

წიგნი შესულია რუდოლფ შტაინერის შრომების სრული კრებულის კატალოგში GA245. წიგნში შეტანილ ტექსტებსა და ამ ტექსტების ორიგინალებზე დაწვრილებით ინფორმაციას იხილავთ თავად დორნახის გამოცემის ავტორების მინაწერებსა და შენიშვნებში.

იმის გათვალისწინებით, რომ წარმოუდგენლად რთულია მედიტაციების ზუსტი თარგმნა, ყველა მედიტაციას თან ერთვის გერმანული და ინგლისური ტექსტი.