ქართველი ერის ჩამოყალიბება:

რონალდ გრიგორ სუნი (დ. 1940) მიჩიგანის უნივერსიტეტის ისტორიის პროფესორი და ჩიკაგოს უნივერსიტეტის პოლიტიკური მეცნიერებისა და ისტორიის ემერიტუს პროფესორია. ის იკვლევს ნაციონალიზმის, პოლიტიკური და სოციალური მოძრაობების ისტორიას და მრავალი წიგნი აქვს გამოქვეყნებული კავკასიისა და საბჭოთა ისტორიის საკითხებზე. „ქართველი ერის ჩამოყალიბება“ („The Making of the Georgian Nation“) პირველად 1988 წელს გამოვიდა, მრავალწლიანი კვლევის საფუძველზე; მას 1994 წელს მეორე, გადამუშავებული გამოცემა მოჰყვა. „ქართველი ერის ჩამოყალიბება“ საქართველოს შესახებ ერთ-ერთ ძირითად ინგლისურენოვან ტექსტად ითვლება. წიგნი გვიყვება საქართველოს ისტორიას დასაბამიდან 1994 წლამდე და განიხილავს, თუ როგორ იქმნებოდა ქართველი ხალხის იდენტობა და თვითაღქმა. განსაკუთრებული ყურადღება ეთმობა XIX და XX საუკუნეებს – თვითმყოფადობისა და დამოუკიდებლობისათვის ბრძოლას და იმ კულტურულ, სოციალურ, ეკონომიკურ და პოლიტიკურ პროცესებს, რომლებმაც განსაზღვრა ქართველების როლი და მდგომარეობა.

ერების რეკონსტრუქცია:
„ერების რეკონსტრუქცია“ მოგვითხრობს, როგორი გავლენა იქონია ისტორიამ თანამედროვე პოლონეთის, ლიეტუვის, უკრაინისა და ბელარუსის ჩამოყალიბებაზე. რა გზა გაიარეს? რა გადაწყვეტილებები მიიღეს და როგორ? რატომ იბრძოლეს ერთმანეთში და სხვებთან? როგორ შერიგდნენ? როგორ განჭვრიტეს მომავალი? – ეს კითხვები ყველა თანამედროვე ერი-სახელმწიფოს ჩამოყალიბებისათვის მნიშვნელოვანი კითხვებია, ხოლო პასუხებზე ბევრადაა დამოკიდებული მათი ბედი და ხვალინდელი დღე.

საქართველოსთვის ჩვენი მეგობარი ერების ისტორიის ამ კუთხიდან დანახვა განსაკუთრებით მნიშვნელოვანია. რა დასკვნები და გაკვეთილები უნდა გამოიტანოს ჩვენმა ქვეყანამ?

კლიენტელიზმი და ეროვნება ნესტორ ლაკობას საბჭოთა აფხაზეთში:
წინამდებარე წიგნი ვრცელ კვლევასა და ფართო საზოგადოებისათვის დღემდე უცნობ დოკუმენტაციაზე დაყრდნობით მოგვითხრობს, თუ როგორ მართავდა ნესტორ ლაკობა ადრეულ საბჭოთა აფხაზეთს ეთნიკურ-კლიენ­ტელური ქსელის მეშვეობით. ნეპოტიზმის, კორუფციის, ფლანგვის,გამოძალვის, მკვლელობების არაერთი ბრალდების გამო, ლაკობა და მისი დაჯგუფება ხშირად ხდებოდა სასამართლო პროცესებისა თუ საგამოძიებო კომისიების კვლევის ობიექტი, თუმცა ბევრი წლის განმავლობაში ახერხებდნენ დაერწმუნებინათ ძლევამოსილი მფარველები თავიანთ შეუცვ­ლელობაში.