კომპლექტი: კარმა, რეინკარნაცია, თეოსოფია

კარმა: წიგნი აერთიანებს სამ ტექსტს: „ელემენტარული გაკვეთილები კარმაში“, „კვლევები კარ­მაში“, „კარმა“. ტექსტი კითხვის დასაწყისშივე გვიქმნის წარმოდგენას კარმის არსის, წარმოშობისა და დანიშნულების შესახებ, დასასრულს კი უკვე გარკვეული ვართ მისი მართვის მეთოდებში და, ამგვარად, მიზანი, რომ წიგნში „ჩვეულებრივი მკითხველისთვის“ ყველაფერი მარტივი ენით იყოს გადმოცემული, მიღწეულია. აღწერილია კარმის შექმნა, ფუნდამენტური პრინციპები, გაწყვეტის გზები და მეთოდები. გვასწავლის, როგორ გავიგოთ კარმის მუშაობის მექანიზმი და ვიმოქმედოთ მასში ჩვენს სასარგებლოდ. წიგნი გვამოგზაურებს დროში, გვიჩვენებს წარსული ცხოვრების (კარმის) ზემოქმედებას აწმყოზე, იმ გარემოებასა და საზოგადოებაზე, რომელშიც ვიბადებით. გვასწავლის არაერთ ხერხს იმისათვის, რომ გამოვასწოროთ არასასურველი ვითარება და კარმული შედეგები ჩვენთვის სასარგებლოდ წარვმართოთ.

რეინკარნაცია: ანი ბეზანტის „რეინკარნაცია“ გახლავთ რეინკარნაციის კონცეფციის ფრიად დამაფიქრებელი გამოკვლევა, ანდაც რწმენა იმის შესახებ, რომ ადამიანის სული გარდაცვალების შემდეგ ახალ სხეულში იბადება. ბეზანტი, გამოჩენილი თეოსოფი და სპირიტუალური მასწავლებელი, ეყრდნობა აღმოსავლურ და დასავლურ რელიგიურ ტრადიციებს, ისევე, როგორც საკუთარ გამოცდილებასა და დაკვირვებებს, რათა განიხილოს სულის აღორძინების პროცესის მარწმუნებელი შემთხვევები, ხელახლა დაბადება და ჩვენი მოქმედებების კარმული შედეგები წარსული მოვლენებიდან გამომდინარე. წიგნი აგრეთვე მოიცავს სავარაუდო წარსულის მოგონებებსა და გამოცდილებებს, პრაქტიკულ რჩევებს იმის შესახებ, თუ როგორ უნდა მოვემზადოთ შემდეგი განსახიერებისთვის, ანუ განხორციელებისათვის (რეინკარნაცია). ცხადად და ნათლად გამოხატული ენით ავტორი გვთავაზობს რეინკარნაციის იდეას, როგორც უდროო კლასიკას, რომლითაც ყველას შეუძლია დაინტერესდეს, მათ შორის – სიცოცხლისა და სიკვდილის საიდუმლოებებით; წინამდებარე შინაარსი მოიცავს შემდეგ საკითხებს: რეინკარნაციის არსი, რა არის რეინკარნაციის საგანი; რეინკარნაციის მტკიცებულებები, მისი გამომწვევი მიზეზები, რეინკარნაციის მეთოდი, რასაც რეინკარნაცია არ უწერია, მისი წინააღმდეგობები…

თეოსოფია: წიგნი – „თეოსოფია“ – მკითხველს საშუალებას აძლევს, გაიგოს თუ რას ნიშნავს თეოსოფია, როგორ ერწყმის ის სხვადასხვა სამეცნიერო დისციპლინას, როგორიცაა – მეცნიერება, რელიგია, ფილოსოფია და სხვა. მკითხველი წიგნში გაეცნობა თეოსოფიას, როგორც მეცნიერებას; როგორც მორალსა და ხელოვნებას; როგორც ჰარმონიულ ურთიერთობათა მეცნიერებას; როგორც ფილოსოფიას; თეოსოფიის გამოყენებას სოციალური პრობლემების გადასაწყვეტად. დაბოლოს, განხილულია თეოსოფიური საზოგადოების მნიშვნელობა, სადაც ყველა წევრი ვალდებულია აღიაროს საყოველთაო საძმო, რომლის მიზანია: I. საყოველთაო საძმოს ბირთვის ფორმირება მიუხედავად ეროვნების, აღმსარებლობისა და კანის ფერისა; II. შედარებითი რელიგიის, ფილოსოფიისა და მეცნიერების სწავლების წახალისება; III. ბუნების განუმარტებელი კანონებისა და ადამიანის ფარული ძალების კვლევა.