გადის წლები, ათწლეულები, საუკუნეები… იცვლებიან თაობები, ადამიანები, ეპოქები… მარადიულია დაპირისპირება სიკეთესა და ბოროტებას შორის. ამ ბრძოლაში ყოველთვის როდი იმარჯვებს სიკეთე, მაგრამ შეუპოვარი ბრძოლაც ხომ თავისებური გამარჯვებაა! ასე სწამს რომან „დევიდ კოპერფილდის“ გმირს და მთელი ცხოვრება ებრძვის დაუნდობლობას, ვერაგობას, ცბიერებას, ისევე როგორც თავად დიდი მწერალი ჩარლზ დიკენსი.