ლუიჯი ვილარი (1876-1959) იყო იტალიელი ისტორიკოსი, დიპლომატი, ჟურნალისტი და მოგზაური. მან 1905 წელს იმოგზაურა კავკასიაში, რომელიც იმ დროს რევოლუციასა და ეთნიკურ დაპირისპირებას მოეცვა.
ვილარი ჩავიდა გურიის რესპუბლიკაში, კარგა ხანს დარჩა ქუთაისსა და ტფილისში, მოიარა ბაქო, ერივანი და ნახიჩევანიც. ყველგან ხვდებოდა მაღალჩინოსნებსაც და უბრალო ხალხსაც, ესაუბრებოდა სამხედროებს, პოლიციელებს, მღვდლებსა თუ მეწარმეებს, აკვირდებოდა ხალხის ყოფასა და წეს-ჩვეულებებს.
„ცეცხლი და მახვილი კავკასიაში“ პირველად ითარგმნა ქართულად და საინტერესო იქნება ამ ეპოქით დაინტერესებული ყველა მკითხველისათვის.