ფილოსოფია

წინამდებარე ტექსტში წარმოდგენილია ფილოსოფიური მსჯელობა საკუთრივ ფილოსოფიური დისციპლინების შესახებ, განხილულია კონკრეტული და აბსტრაქტული ინტელექტუალური აზროვნების წესები, ხოლო ძირითადი ნაწილი ეთმობა ლოგიკური და დიალექტიკური მსჯელობისა თუ არგუმენტაციის ხელოვნებას (ჩამოთვლილი და აღწერილია დებატებში გამარჯვების კონკრეტული ხერხები); დაბოლოს, ავტორი მიმოიხილავს მშვენიერისა და საინტერესოს შორის ურთიერთმიმართებით ასპექტებს.

„ჩვენი კურსი შემდეგნაირად წარიმართება: ზოგადად ფილოსოფიის დისციპლინისადმი მიძღვნილი შესავლის შემდგომ ყურადღებას გავამახვილებთ სამყაროზე, ვითარცა ჩვენს წარმოდგენაზე… უპირველესად განვიხილავთ ორგვარ რწმენა-წარმოდგენას – კონკრეტულსა და აბსტრაქტულს… ჩავუღრმავდებით იმას, რაც ‘აპრიორი’ ჩვენს ცნობიერებაში ძევს… ვნახავთ, როგორ ყალიბდება და მუშაობს გონება; შემდგომ კი განვიხილავთ აბსტრაქტულ წარმოდგენებს… ვნახავთ, როგორ მუშაობს ინტელექტი… აქედან გამომდინარე, ხაზს გავუსვამთ აზროვნების ფორმებსა და კანონებს, რის შედეგადაც მივალთ ლოგიკის (აგრეთვე დიალექტიკის) საფუძვლებთან“ – არტურ შოპენჰაუერი.