სიყვარულის ხელოვნება

ეს წიგნი იმედს გაუცრუებს ნებისმიერს, ვინც ელოდება სიყვარულის ხელოვნების მარტივ ინსტრუქციას. მეტიც, წიგნს სურს ცხადყოს, რომ სიყვარული არ არის სენტიმენტი, რომელიც ნებისმიერში მარტივად შეიძლება გაღვივდეს, განურჩევლად ასაკისა. წიგნს სურს დაარწმუნოს მკითხველი, რომ ამ მიმართულებით მისი ყველა ცდა მარცხისთვისაა განწირული, თუკი იგი მიზნის მისაღწევად მაქსიმალური მონდომებით არ შეეცდება საკუთარ სრულყოფას. და რომ კმაყოფილება სიყვარულში შეუძლებელია განიცადო მოყვასის სიყვარულის უნარის გარეშე; ნამდვილი ადამიანურობის, გამბედაობის, რწმენისა და დისციპლინის გარეშე! კულტურაში, რომლისთვისაც ყოველივე ჩამოთვლილი ესოდენ უცხოა, სიყვარულის უნარი, თავისთავად, იშვიათად მიიღწევა.