წიგნის ანოტაცია
ლათინური ენის სასაუბრო პირველად იბეჭდება ქართულ ენაზე.
საყოველთაოდცნობილია, რომ ე.წ. მკვდარი ენების სრულყოფილად დაუფლებას ისართულებს,რომ მეტყველებაში მათი გამოყენების არეალი შეზღუდულია.
წიგნის მიზანია ამ თვალსაზრისით ლათინური ენის ნაწილობრივი „გაცოცხლება“ ცნობილ და აპრობირებულ ე.წ. „ზეპირ“ მეთოდზე დაყრდნობით (ლექსიკის, იდიომატიკის, ფრაზეოლოგიზმების თემატურ ჯგუფებად თავმოყრა და მათი იმიტირებულ სიტუაციებში გამოყენება).
ბუნებრივია, ფრაზებსა და სინტაქსურ კონსტრუქციებში წარმოდგენილი გრამატიკული მასალა უფრო მარტივად აღსაქმელი და ადვილად შესათვისებელია.
ზოგიერთ თემატურ ჯგუფს დამატებით წამძღვარებული აქვს მოკლე განმარტება, სადაც გაანალიზებულია რომაული სინამდვილის ესა თუ ის სფერო. წიგნს ერთვის ლათინური გრამატიკის მოკლე ცნობარი და შემოკლებების ნუსხა (ტექსტში შემოკლებით ნახსენები ავტორებისა და მათი ნაწარმოებების სრული დასახელება).
სახელმძღვანელოში შეტანილია რომაული მწერლობიდან ამოკრებილი ფრაზები, სენტენციები, ანდაზები, რომელთა მეშვეობით გაადვილდება ლექსიკური და გრამატიკული მასალის ათვისება.
წიგნში გათვალისწინებულია ანალოგიური ნაშრომების ცნობილი გამოცემები ევროპულ ენებზე.
სახელმძღვანელო განკუთვნილია როგორც ლათინური ენის მცოდნეთათვის, ასევე ამ ენის შესწავლის მსურველთათვისაც.