წიგნის ანოტაცია
წიგნი წარმოადგენს ორი თანამედროვე მართლმადიდებელი ავტორის ნააზრევს, რომელიც ქართველმა მთარგმნელმა ნინო საძაგლიშვილმა გამოკრიბა და ერთი სათაურის ქვეშ გააერთიანა.
როგორც მთარგმნელი წერს გამოცემა ორი „ქრისტიანი მოაზროვნისა და სულიერი მეგობრის, ფსიქოლოგ ნიკიტა კავკიოსისა და მღვდელ ხარალამპე პაპადოპულოსის პოეტურ-ფილოსოფიურ გამოცდილებებს მოიცავს. გარდა იმისა, რომ ამ ორს იდეური მსგავსებაც აკავშირებს და ერთი – მღვდელი, მეორე კი მართლმადიდებელი ერისკაცი, გულწრფელი ქრისტიანის საერთო სურათს ქმნიან, საინტერესოა, რომ რეალურ ცხოვრებაშიც კარგი მეგობრები და თანამოაზრენი არიან.“
საგულისხმოა, რომ საავტორო უფლება გადმოგვცა ათენის ერთ-ერთმა ყველაზე პრესტიჟულმა გამომცემლობამ, "არმოს" მა, გამომცემლობა ძირითადად ფილოსოფიურ-ფსიქოლოგიურ-რელიგიური ლიტერატურის გამოცემის ხაზით მუშაობს.
ქართულ ენაზე დასტამბული წიგნი უკვე აიტვითა წიგნის ორივე ავტორის ინტერნეტ-გვერდებზე.
სამწუხაროდ, ყველასთვის ცნობილი მიზეზის გამო გადაიდო წიგნის პრეზენტაცია ათენში, საქართველოს საელჩოში.
თუ ჩვენი მკითხველი დაინტერესდება და ამას მოწონებებით დაგვიდასტურებს, გამომცემლობა „ალილო“ მზადაა, ყველა წესის და რეკომენდაციის დაცვით, დაგეგმოს პრეზენტაცია თბილისში.
