მიწოდების ფასი რეგიონში (ფოსტამდე), 0 კგ-დან 3.5 კგ-მდე 7 ლარი.
გაზიარება :
წიგნის ანოტაცია
„სიტუაციები და გრამატიკა კომუნიკაციისათვის“ ენის გრამატიკული სისტემისადმი თავისებური მიდგომაა. იგი გულისხმობს ისეთი ახალი ქვესისტემის აგებას, რომელიც დაეხმარება ენის შემსწავლელს კომუნიკაციის დამყარებაში. კომუნიკაციურ გრამატიკაში ყოველი კატეგორია განიხილება იმის მიხედვით, რამდენად აქტიური და მნიშვნელოვანია იგი კომუნიკაციის ამა თუ იმ ფორმის დასამყარებლად და აზრის გამოსახატავად. ამდენად, კომუნიკაციური გრამატიკის მთავარი საკითხია, თუ როგორ უნდა აიგოს ურთიერთობა და რა ენობრივი საშუალებებია საჭირო გარკვეული აზრის გადმოსაცემად. ქართული ენის რთული გრამატიკული სისტემა ბადებს იმის აუცილებლობას, რომ შეიქმნას ამ ტიპის სახელმძღვანელო საქართველოში დამკვიდრებული არაქართულენოვანი მოსახლეობისათვის. იგი ასევე გამოსადეგი იქნება ქართული ენის შესწავლით დაინტერესებული უცხოელი პირებისთვისაც.
ქართული ენის გრამატიკული სისტემა მკვეთრად განსხვავდება ინდოევროპული ენებისაგან, რაც განსაკუთრებულად ართულებს მის შესწავლას. ამ სირთულეების გამო ხშირ შემთხვევაში ენის შემსწავლელს პრობლემები ექმნება, რაც აფერხებს სწავლების პროცესს. სწავლებისადმი სწორი მიდგომა, ეფექტური საშუალებების უხვად გამოყენება, სწორი მეთოდოლოგია, სირთულეების გადანაწილება სწავლების ეტაპებზე, კომუნიკაციური სწავლების პრინციპების გამოყენება, გრამატიკული სისტემის სწორად და გააზრებულად მიწოდება – ყოველივე ეს დაეხმარება პედაგოგებს სწავლების რთული პროცესი ეფექტური და ადვილად დაძლევადი გახადოს.