იტალიელი მოაზროვნე, ფილოსოფოსი, მწერალი და სახელმწიფო მოღვაწე, ნიკოლო მაკიაველი (1469-1527 წწ.), რომელიც ძლიერ სახელმწიფო ძალაუფლებას ქადაგებდა, მომხრე იყო ყველანაირი საშუალების გამოყენებისა ძალაუფლების გასამყარებლად.
„მთავარი“ მაკიაველის ყველაზე მნიშვნელოვანი და სახელმოხვეჭილი წიგნია, რომელიც ავტორმა ფლორენციის მმართველს მიუძღვნა. წიგნში წარმოდგენილია მაკიაველის ხედვა, თუ როგორი უნდა იყოს (ან არ უნდა იყოს) ქვეყნის მმართველი, რა პოლიტიკური პასუხისმგებლობა აკისრია მას, რა დამოკიდებულება უნდა ჰქონდეს მორალურ პრინციპებთან, რა უნდა იყოს მისი უზენაესი მიზანი და ფასეულობა, რას უნდა ეფუძნებოდეს საშინაო და საგარეო პოლიტიკა, სამხედრო სტრატეგია, რა გამორჩეულ უნარებს უნდა ფლობდეს იგი და სხვ.