იმამ ხომეინი (აიათოლა რუჰოლა ალ-მუსავი ალ ხომეინი) ჩვენი დროის ერთ-ერთი უდიდესი პიროვნება დაიბადა 1902 წლის 24 სექტემბერს ირანის პატარა ქალაქ ხომეინში. რუჰოლამ („ალაჰის სული“) საფუძვლიანად შეისწავლა ფილოსოფია, არაბული ენა და ლიტერატურა, აგრეთვე მათემატიკა, ასტრონომია, რიტორიკა, ლოგიკა. 27 წლის ასაკში სასულიერო წოდება მიანიჭეს. 1961 წელს დიდი აიათოლა გახდა. („ღვთით შთაგონებას“ ნიშნავს). პოლიტიკურ მოღვაწეობას გასული საუკუნის 60-იანი წლებიდან იწყებს; მისმა მომხრეებმა ყოველგვარი მიკიბმოკიბვის გარეშე წამოაყენეს ლოზუნგი „სიკვდილი შაჰს!“ და მისი რეალიზებაც შესძლეს – დაემხო ირანის 2500 წლიანი მონარქიული წყობა.

ხომეინი სიცოცხლეშივე ლეგენდად იქცა. ცხოვრებაში იყო მეტად უბრალო. როცა ნაჯაფში იმამს „ლუმანიტეს“ კორესპონდენტი ეწვია, იგი გაოგნებული დარჩა იმ უბრალოებით, რაც იქ დახვდა და წერილიც ასე დაიწყო: „ჩვენ ახლა აიათოლას ოთახში ვიმყოფებით, ველოდებით მის გამოჩენას, ოთახი ოთხი კვადრატული მეტრია“…

…იმ უმძიმეს წუთებში, როცა დაბომბვისას ქვა ქვაზე არ რჩებოდა, იმამის სახლის შემოგარენი რაკეტების სამიზნედ იყო ქცეული, იმამს წუთითაც არ შეუხრია წარბი. შეევედრნენ, რომ თავშესაფარში შესულიყო, მაგრამ მან ბრძანა: „მე აქედან ფეხს არ მოვიცვლი. არავითარი განსხვავება ჩემსა და იმ ჯარისკაცებს შორის განსხვავება არ არის, ვერავითარ განსხვავებას ჩემსა და მის სიკვდილს შორის ვერ ვხედავო“… {„40 მოგონება იმამი ხომეინის ცხოვრებიდან“. თარგმნა ნომადი ბართიამ. თბ, 2007).

ხომეინი ავტორია მრავალი რელიგიურ-ფილოსოფიური ნაშრომისა (გამოცემულია 40 ტომი).