მკითხველის წინაშეა რუდოლფ შტაინერის (1861-1925 წწ.) ლექციების კიდევ ერთი კურსი „შემთხვევითობა, აუცილებლობა და ნათელჩენა“, რომელიც მან წაიკითხა დორნახში პირველი მსოფლიო ომის ყველაზე მძიმე პერიოდში. მსმენელებს აწუხებდათ მტანჯველი კითხვები დაღუპული ადამიანების ბედისწერაზე, რამდენად იყო საჭირო ასეთი მსხვერპლი და რაში მდგომარეობს ნაადრევი სიკვდილის არსი. რუდოლფ შტაინერი განიხილავს სწორედ ნაადრევი სიკვდილის, სამსხვერპლო სიკვდილისა და პიროვნული ბედისწერის კოსმიურ ასპექტებს; საფუძვლიანად აანალიზებს შემთხვევითობას, აუცილებლობასა და ნათელჩენას. ასევე ღრმა სიბერესა და ადრეულ ასაკში გარდაცვალების შედეგებს მომდევნო ინკარნაციისთვის. გარდასული ცხოვრების პანორამულ განხილვას გარდაცვალების შემდგომ და სხვა მნიშვნელოვან თემებს.