ბედნიერი ცხოვრების მიღწევა, სენეკას აზრით, „ძნელია თუ ჩვენ წინამძღოლს (ჭეშმარიტება, სიკეთე გონება) კი არა, მავანთა არეულ ძახილსა და ზუზუნს პირუტყვებივით მივყვებით“.

ბედნიერი ცხოვრების მიღწევა შესაძლებელია უპირველესად, ჯანსაღი გონებითა და მისი სიჯანსაღის მუდმივი ფლობით. საკუთარი ატავის ბრბოზე – ჭეშმარიტების ყველაზე ცუდ გამგებზე – აღმატებით; იყო ძლიერი და შეუდრეკელი, სირთულეების ღირსეულად ამტანი, დროთა გამთვალისწინებელი, თავის სხეულსა და მის საჭიროებებზე ზიანის მიუყენებლად მზრუნველი; ცხოვრობდე ლტოლვებისადმი მორჩილების გარეშე. არად ჩააგდო იაფფასიანი საგნების გროვა – ვერაფერს რომ აკლებს და არც არაფერს რომ მატებს ბედნიერ ცხოვრებას – ის ჩნდება და ქრება, მოდის და მიდის ისე, რომ უმაღლეს სიკეთეს არც ზრდის, არც ამცირებს…

ბედნიერია ის, ვისი განსჯაც მართებულია. ბედნიერია ის, ვინც აწმყოთი, ამ წამითაა ბედნიერი, ვინც თავის საქმეთა მოყვარული და კმაყოფილია. ბედნიერია ის, ვისაც გონება კარნახობს, როგორ უნდა მოიქცეს ამა თუ იმ ვითარებაში…