წიგნის ანოტაცია
მარკეტინგის საფუძვლების მეშვიდე გამოცემა წარმოადგენს ფრთხილად შერჩეულ ბალანსს წიგნში განხილული საკითხების სიღრმისეულ მოცვასა და მოცემული მასალის ადვილად სწავლის შესაძლებლობას შორის. მეშვიდე გამოცემაში გადმოცემულია ბოლო დროის მარკეტინგული აზროვნება. იგი აგებს მარკეტინგულ ჩარჩოს, რომელიც პოზიციონირებას უკეთებს მარკეტინგს, როგორც მყიდველისთვის ფასეულობის შექმნის ხელოვნებასა და მეცნიერებას, რათა თავად მიიღოს მათგან სანაცვლო ფასეულობა. იგი განმარტავს, თუ როგორ მუშაობს მარკეტინგი სხვა დეპარტამენტებთან (ბუღალტერიის, ინფორმაციული ტექნოლოგიების, ფინანსების, ოპერაციების მართვისა და ადამიანური რესურსების მართვის განყოფილებები) და კომპანიის გარეთ არსებულ მარკეტინგულ პარტნიორებთან ერთად, რათა ერთობლივად მიაწოდონ მყიდველს ფასეულობა.
და ბოლოს, მეშვიდე გამოცემა აჩვენებს მარკეტინგს პრაქტიკაში - კონცეფციები გამოყენებულია მაგალითებში, სადაც ცნობილი და ნაკლებად ცნობილი კომპანიები აფასებენ და წყვეტენ მარკეტინგულ პრობლემებს. სწავლების რესურსების სრულიად ახალი და ყოველმხრივი ნაკადი – ორივე,როგორც ბეჭდვითი, ასევე ციფრული გამოცემა – ამ გამოცემის მხარდაჭერისათვის განვითარდა. ჩვენი მიზანია: გამარტივებული, ინოვაციური თანმხლები მასალის შეთავაზება, რომელთა პოვნა, მიღება, მართვა და გამოყენება საკმაოდ მარტივია. თქვენთვის საჭირო ინფორმაციის მოსაპოვებლად თქვენ არ დაგჭირდებათ მასალების დაუსრულებელი ძიება. ზოგადად, ვფიქრობთ, რომ მარკეტინგის საფუძვლების ეს გამოცემა დღეისათვის საუკეთესოა. ვიმედოვნებთ, რომ მარკეტინგის შესწავლისათვის განკუთვნილი ეს მოგზაურობა სიამოვნებას მოგანიჭებთ. ასე რომ, მოემზადეთ! მოდით, შევუდგეთ საქმეს!