წიგნი „შესავალი საქართველოს ისტორიაში“, რომელიც მანანა სანაძისა და თამაზ ბერიძის ავტორობით გამოიცა, წარმოადგენს სალექციო კურსს და მკითხველს აწვდის მასალებს ჩვენი ქვეყნის წინაისტორიული ხანიდან დღემდე.
წიგნში აღწერილია საქართველოს ისტორიის ქრონოლოგია, პერიოდიზაცია, წინაისტორიული ხანა მეფე აიეტიდან მეფე მირიანამდე, მირიან მეფიდან ერისმთავრებისა და პატრიკიოსების ხანამდე, რელიგიები საქართველოში უძველესი დროიდან დღემდე, ქართული სამეფო-სამთავრო დინასტიები, საქართველოს ისტორიის „ოქროს ხანა“, ქართული კულტურა ანტიკურ ხანასა და შუა საუკუნეებში, საქართველო რუსეთის იმპერიის შემადგენლობაში, ეროვნულ-გამათავისუფლებელი მოძრაობა საქართველოში, საქართველო 1914 წლიდან 70-იანი წლების ჩათვლით და ბოლოს, საქართველოს დამოუკიდებლობის აღდგენა; საქართველო 1989-2008 წლებში.