წიგნის ანოტაცია
ჰენრი კისინჯერი წიგნში „მსოფლიო წესრიგი“ ღრმად მიმოიხილავს და აანალიზებს 21-ე საუკუნის მთავარ გამოწვევას – როგორ შეიძლება საერთაშორისო დონეზე აღიარებული წესრიგი დამკვიდრდეს მსოფლიოში, რომლის სხვადასხვა ნაწილს განსხვავებული ისტორიული წარსული აქვს და სადაც ძალადობრივი კონფლიქტები და იდეოლოგიური ექსტრემიზმი განსაზღვრავს პოლიტიკურ რეალობას.
ჰენრი კისინჯერი ეროვნული უსაფრთხოებისა და საგარეო პოლიტიკის საკითხებში ამერიკის შეერთებული შტატების რამდენიმე პრეზიდენტის მრჩეველი, რიჩარდ ნიქსონისა და ჯერალდ ფორდის პრეზიდენტობის დროს კი – ამერიკის შეერთებული შტატების სახელმწიფო მდივანი იყო.
ჰარვარდის უნივერსიტეტის ყოფილ პროფესორს, სხვა მრავალ ჯილდოთა შორის, 1973 წელს მშვიდობის დარგში ნობელის პრემია მიენიჭა. „მსოფლიო წესრიგთან“ ერთად, საგარეო პოლიტიკისა და დიპლომატიის შესახებ, ჰენრი კისინჯერი არაერთი წიგნის ავტორია.
„გასული 50 წლის განმავლობაში არავის მოუხდენია იმხელა გავლენა საგარეო პოლიტიკის ჩამოყალიბებაზე, როგორც ჰენრი კისინჯერს“, – „ფაინენშალ თაიმსი“
