დეკანოზ ალექსანდრე მენის ,,ძე კაცისა’’ ერთ-ერთი საუკეთესო წიგნია რაც კი დაწერილა სახარებისეულ ისტორიაზე. ერთი მხრივ, ეს გახლავთ ლამის სახელმძღვანელოს პრინციპებით აგებული და ინფორმაციული გზამკვლევი ახალ აღთქმაში, მეორე მხრივ კი, ,,ძე კაცისა’’ არის აპოლოგეტური ტექსტი, რომელიც არგუმენტირებულად განაქიქებს ქრისტეს მოწინააღმდეგე ბანაკის ბრალდებებს, იქნება ეს მის ისტორიულობაში დაეჭვება თუ მითოლოგიზების ან ორიენტალური ღვთაებებისადმი მსგავსების მცდელობანი.
წიგნში ოთხივე სახარების შინაარსის გათვალისწინებით აგებულია ერთიანი ისტორია მაცხოვრისა, – ყრმობიდან ვიდრე ამაღლებამდე. მოვლენები დალაგებულია თანმიმდევრულად. ცალკე თავები ეძღვნება მაცხოვრის სწავლებებს, იგავებს, სასწაულებს. ბრწყინვალედაა ნაჩვენები, რომ სახარებისეული სწავლება იყო ლოგიკური გვირგვინი ძველი აღთქმისა.
