„ტროელი ქალები“ ევრიპიდეს ტრაგედიათაგან გამოირჩევა ადამიანურ განცდათა წარმოჩენის გასაოცარი სიმძაფრით. კომპოზიციურად იგი შედგება რამდენიმე ეპისოდიონისგან, რომლებშიც წარმოდგენილია გამარჯვებულ ბერძენთა მიერ დატყვევებულ, სრულად უდანაშაულო ქალთა მწუხარება. სიუჟეტი დრამატურგიულად არ არის რთული, მაგრამ ევრიპიდეს გასაოცარმა ხელოვნებამ დრამა, რომელიც აგებულია მხოლოდ და მხოლოდ დანჯვის პათოსზე, ისეთი მრავალმხრივი და ზოგადასაკაცობრიო გახადა, რომ იგი თავისი სიღრმითა და მაღალმხატვრულობით დღესაც არ კარგავს მნიშვნელობას და ისევე, როგორც 25 საუკუნის წინ, დღესაც შეახსენებს საზოგადოებას, რომ ომი გამარჯვებულსაც არ აბედნიერებს. ტრაგედიის ფინალური სცენა კი – აალებული ილიონი – ევრიპიდეს პოეტურმა დიდებულებამ სამყაროსეული გენიის ფერწერულ ტილოდ აქცია.
