მიწოდების ფასი რეგიონში (ფოსტამდე), 0 კგ-დან 3.5 კგ-მდე 7 ლარი.
გაზიარება :
წიგნის ანოტაცია
„ტრაქისელი ქალები“ საკმაოდ გამჭვირვალედ გვიჩვენებს, რომ შეუძლებელია ძალადობის ნაყოფი კეთილი იყოს. სათქმელის უკეთ გადმოსაცემად სოფოკლემ ჰეროიკული ეპოქის უდიდესი გმირის, ჰერაკლეს აღსასრულის ამბავი შეარჩია და გვიჩვენა, რომ გმირობად აღქმული სისხლისღვრაც კი, საბოლოოდ, მხოლოდ ავისმომტანია. სოლონისეულ სიბრძნეს, რომლის მიხედვითაც ადამიანის ბედსა და ყოფაზე მხოლოდ მისი სიკვდილის შემდეგ შეიძლება მსჯელობა, სოფოკლემ კიდევ ერთხელ შეასხა ფრთები, როდესაც ათენელი მაყურებლის თვალწინ გააცოცხლა საცოდავობით სავსე აღსასრული უძლიერესი ბერძენი გმირისა, რომელიც აღსრულების ჟამს არამც თუ უწინდებურად ვეღარ ზეობს, არამედ ტკივილისაგან გაწამებული „ქალივით მოთქვამს“. მიუხედავად ზემოთქმულისა, „ტრაქისელი ქალების“ ყველაზე ტრაგიკული პერსონაჟი ჰერაკლეს მეუღლე, დეიანირაა, რომელიც მხოლოდ იმიტომ ისჯება, რომ ქმრის სიყვარულის შენარჩუნებას ცდილობს. საოცარი სიმძაფრითაა აღწერილი ისეთი მეორეხარისხოვანი პერსონაჟის ტრაგედიაც კი, როგორიც მაცნე ლიქასია. იგი სრულიად უდანაშაულოა ჰერაკლეს წინაშე და მაინც მის მრისხანე მკლავს ეწირება.
„ტრაქისელი ქალები“ ბრწყინვალედ ასახავს იმას, თუ როგორ შეიძლება ერთი არასწორი ნაბიჯი არაერთი ადამიანისათვის უმძიმესი ტრაგედიის მიზეზად იქცეს.